പരിസ്ഥിതി മാദ്ധ്യമ ഫെലോഷിപ്പ്: അപേക്ഷ ക്ഷണിക്കുന്നു
കേരളീയം മാസിക 2009 മുതല് നല്കുന്ന ബിജു. എസ്. ബാലന് അനുസ്മരണ പരിസ്ഥിതി മാദ്ധ്യമ ഫെല്ലോ ഷിപ്പിലേക്ക് അപേക്ഷ ക്ഷണിക്കുന്നു. മാദ്ധ്യമപ്രവര്ത്തകര്ക്കും മാദ്ധ്യമപ്രവര്ത്തനത്തില് താത്പര്യമുള്ള 35 വയസ്സില് താഴെ പ്രായമുള്ള യുവതീ/യുവാക്കള്ക്കും അപേക്ഷിക്കാം. താത്പര്യമുള്ളവര് ഈ വര്ഷം ഫെല്ലോഷിപ്പിനായി നിശ്ചയിച്ച, ‘പാരിസ്ഥിതിക തകര്ച്ചകളും വിഭവക്കൊള്ളയും അട്ടപ്പാടിയിലെ ആദിവാസി ജനതയെ തകര്ത്തത് എങ്ങനെ?’ എന്ന വിഷയത്തെ ആസ്പദമാക്കി നിങ്ങള്ക്ക് ചെയ്യാന് കഴിയുന്ന ഒരു റിപ്പോര്ട്ടിന്റെ രൂപരേഖയും പ്രവര്ത്തന പദ്ധതിയും അയച്ചുതരിക. ഒപ്പം നിങ്ങള്ക്ക് പരിചിതമായ ഏതെങ്കിലും ഒരു പരിസ്ഥിതി പ്രശ്നത്തെ/വിഷയത്തെക്കുറിച്ച് തയ്യാറാക്കിയ റിപ്പോര്ട്ടും ബയോഡാറ്റ സഹിതം താഴെപ്പറയുന്ന വിലാസത്തില് 2018 ജൂണ് 10ന് ഉള്ളില് ലഭിക്കുന്ന രീതിയില് അയയ്ക്കുക. ഈ റിപ്പോര്ട്ടിന്റെയും കൂടിക്കാഴ്ചയുടെയും അടിസ്ഥാനത്തില് പരിസ്ഥിതി-മാദ്ധ്യമ വിദഗ്ധര് അടങ്ങുന്ന ജൂറി തിരഞ്ഞെടുക്കുന്ന ഒരാള്ക്ക് ബിജുവിന്റെ ചരമദിനമായ ജൂണ് 28ന് തൃശൂരില് വച്ച് 10,010 രൂപയുടെ ഫെല്ലോഷിപ്പ് നല്കും.
വിലാസം: കേരളീയം, കൊക്കാലെ, തൃശൂര് – 680021. 0487 2421385. mailkeraleeyam@gmail.com