പണമെന്ന് കേട്ടാല്‍ മലയാളപത്രവും വാ പിളര്‍ക്കും

മഹാരാഷ്ട്രയിലെ അസംബ്ലി തിരഞ്ഞെടുപ്പ് സമയത്ത് സ്ഥാനാര്‍ത്ഥികളുടെ കൈയില്‍ നിന്നും പണം വാങ്ങി വാര്‍ത്ത ചമച്ച പത്രങ്ങളുടെ കഥ പി. സായിനാഥ് അടുത്തിടെ പുറത്ത് കൊണ്ടുവന്നിരുന്നു. ഇന്ത്യന്‍ മാധ്യമ ലോകത്തെ നാണം കെടുത്തിയ ഇതേ തന്ത്രം തദ്ദേശസ്വയംഭരണ തിരഞ്ഞെടുപ്പില്‍ മലയാളത്തിലെ ഒരു ശൈശവ പത്രം പരീക്ഷിക്കുന്നു എന്ന വാര്‍ത്ത ഞെട്ടിക്കുന്നതാണ്. പണം കെടുക്കാനുണ്ടെങ്കില്‍ ഏത് സ്ഥാനാര്‍ത്ഥിയും പത്രത്താളുകളില്‍ ധീരനായെത്താം. വായനക്കാര്‍ സൂക്ഷിക്കുക.